- 191 -

1353. Jan. 20. Lüben.

Herzog Ludwig verspricht den Liegnitzern, falls sein Bruder Wenzel vor ihm sterben sollte, die Schulden desselben bezahlen zu wollen.

Nos Ludwicus dei gracia dux Slezie dominus Legniczensis et in Lubbin in tenore presencium recognoscimus vniuersis, tam presentibus quam futuris, quod fidelibus nostris nobis sincere dilectis ciuibus in Legnicz vniuersis promittimus et spondemus bona nostra fide, omni penitus absque dolo, quod, si superuixerimus, quod in fratre nostro dilecto duce Wenczeslao, quidquam mortis euentu contigerit, videlicet, quod in vita nostra de hoc seculo migrauerit, quod prefatos ciues nostros et ciuitatem Legnicz de omnibus et singulis obligacionibus et promissionibus, quibus racione debitorum, pro eo et nomine sui, existunt inuoluti seu inbrigati, excipere et exsoluere volumus integraliter et complete, necnon ipsos de talibus omnibus et singulis, que litteris suis authenticis demonstrare poterint, reddere liberos et solutos. Harum nostrarum testimonio litterarum sigillo nostro authentico signatarum. Datum Lubbin, anno domini millesimo trecentesimo quinquagesimo tertio in die sanctorum Fabiani et Sebastiani, martirum beatorum.

O. d. St. L. No. 83. An Pergamentstreifen das Wappensiegel in duncklem Wachs. — Bitschens Privilegb. f. CLXXXVIIb, — Thebes. II, 211.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866